Mugikortasunaren Europako Astearen barruan, Jarri zure bizikletak prest Mugirekin kanpaina du abian Gipuzkoako Foru Aldundiaren Mugikortasuneko, Turismoko eta Lurralde Antolaketako departamentuak. Egitasmo horren barruan, bizikletak konpontzeko doako zerbitzua ari dira eskaintzen herririk herri, eta atzo, osteguna, Azkoitian izan ziren zerbitzu hori eskaintzen duten tailerreko ordezkariak.
Mugi txartela erakutsita, bizikleta puntu puntuan eta doan jartzeko aukera izan zuten puntu horretara hurbildu ziren herritarrek, 16:00etatik 20:00etara bitartean. Erabiltzaileak, gainera, bi bizikletaren eta 20 euroko 60 Mugi birkargaren zozketan sartu dituzte.
Teknikaria bizikleta bat konpontzen, atzo. (Ane Olaizola)