Urola Turismoaren eskutik, San Martin auzoaren muinoan dagoen ermitaren historia ezagutzeko parada izan dute gaur eguerdian hainbat lagunek. Izan ere, bisita gidatua eskaini dute ondare horretan. Eliza atarian hasi dute, ordea, bisita gidatua, eta herriko kaleak zeharkatu ondoren igo dira San Martingo ermitara. Gaurko saioa gaztelaniaz izan da; turismo agentziak ostegunean eskaini zuen euskarazkoa.
Urola Turismoak eskualdean prestatu dituen bisita gidatu sortaren barruan eskaini dute gaur Azkoitian. Beste zenbait gehiago ere izango dira datozen hilabeteetan: honako lotura honetan ikus daitezke bisita guztiak.