Bero sapa handia den egun honekin batera zabaldu dituzte gaur, ostirala, Ugarteigarango estali gabeko igerilekuak. Eguzkia bidelagun izanda eta freskatzeko nahiak bultzatuta, herritar askok egin du gaur aurrenekoz Ugarteigarango instalazioetara sartu-irtena.
Uretara saltoka aritu dira batzuk, eta eguzkia hartzen luze-luze etzanda besteak. Eguraldi eguzkitsua, euritsua edo duda-mudakoa egin, gaurtik irailaren 14ra bitartean egongo da irekita igerilekua, egunero 10:30etik 20:00etara, hain justu.
