Ostiralean hasitako festei gaur eman diete segida Martirietan. Igandea izan da aurtengo festetako egun handia, edo bai, gutxienik, ekitaldi gehien egin dituztena. Lehenik, meza nagusia izan da auzoko elizan, eta elizkizuna bukatuta, hamaiketakoaz gozatu dute hara joandakoek.
Gero, Arraza Libreko Artzain Txakur Lehiaketaren hirugarren edizioa egin dute, eta eguerdian, bazkaritarako elkartu dira dozenaka lagun. Arratsaldean, berriz, umeek jolasez eta meriendaz gozatu ahal izan dute. Gainera, erromeriarekin borobildu dute eguna.