Urola Erdiko Mankomunitateak jakinarazi duenez, gaurtik aurrera ezingo dira erabili herriko plazan dauden lurpeko zabor edukiontziak. Konponketa lanak egingo dituzte edukiontzi horietan, eta lanak amaitu bitartean, ez dira erabilgarri egongo.
Plazako edukiontzi horien partez, eta lanak amaitu bitarte, Inazio Iriarte Margolaria kalean edota Elkargune parean, Ibaiondo kalean, dauden edukiontziak erabiltzeko gomendioa egin die mankomunitateak herritarrei.