Nafar Estatuaren berreskurapenaren aldeko Nabil mugimenduak antolatuta, Aitzol Altuna eta Gaizka Basaldua historialariek Euskara eta mila urteko nafar estatua izeneko hitzaldia eskaini zuten atzo, asteazkena, Elkarguneko Oteiza aretoan.
Izenburuak argitzen duen moduan, Nafarroa estatu izan zeneko garaian euskarak zer nolako presentzia izan zuen azaldu zuten bi historialariek. Era berean, Nafarroari buruzko bestelako datu eta gako historiko ugari eman zituzten bi lagunek, Elkarguneko aretoan bildu ziren dozenaka lagunen arreta piztuz.