Azkoitiko Udalbatzak martxoko ohiko udalbatzarra egingo du bihar, asteazkena, 18:00etan. Besteak beste, Azkoitiko Udalaren eta Zubiaurre Elkargune Institutuaren iazko aurrekontuaren likidazioaz kontuhartzaileak egindako txostenen berri emango du Udal Gobernuak, baita Alkatetza Dekretuen berri ere.
Guztira, bost puntu izango ditu biharko osoko bilkurak. Honako gai zerrenda izango du:
- Aurreko bilkurako akten onespenak, hala badagokio.
- Kreditu gehigarrien bidez kredituak aldatzeko 1 zenbakidun espedientearen onespena.
- Azkoitiko Udala eta Zubiaurre-Elkargune Institutuaren 2024ko Aurrekontuaren likidazioaren kontuhartzailearen txostenen eta Alkatetza Dekretuen berri ematea.
- Aurrekontuari buruzko informazioa.
- Galde-erreguak.