Igandean, Imakinario konpainiak Estela eta Merlin ikuskizuna aurkeztuko du Baztartxo antzokian, 17:00etan hasita. Familia osoari zuzendutako antzezlana eskainiko dute, baina emanaldiak txotxongilo saioa eta animaziozko zinema uztartuko ditu. Emanaldirako sarrerak salgai daude dagoeneko Entradium atarian, 3 eta 5 euro artean.
Estela Merlin magoaren ikaslea da, eta biak arduratzen dira astroak nahiz gaua zaintzeaz. Bat batean, izarrek ezkutaketan jolastea erabakiko dute, guztia hankaz gora jartzea. Hala, bi lagunek egoera konpontzea erabakiko dute. Gainera, garrantzi handia duen zeregina da; arazoa konpontzea lortuz gero, Estela azkenean Mago Eskarlata bihurtu ahal izango delako.
Estela eta Merlin magoek bidaia hasi ahal izango dute izarrak bilatzeko. Hala, bidean ikus-entzuleekin partekatuko dituzten hainbat abentura biziko dituzte. Irudimenaren eta mugak gainditzeren ahalmenari buruzkoa da historia, hainbat hizkera artistikoen bitartez kontatua.
Zozketa
Gukak, Azkoitiko Udalaren Kultura sailaren bidez, bi sarrera bikoitz ditu parte hartzen duten bazkideen artean zozkatzeko. Bazkideek gaur 12:00etara arteko epea dute zozketan parte hartzeko. Honako lotura honetan eman daiteke izena.