Idizaleek galdu ezinezko hitzordua dute igandean, Gurea pilotalekuan. Azkoitiko Isidro erretegiak eta Urretxuko Ipiñarrietak idi apustua jokatuko dute 19:00etan hasita. Ipintza harriari tiraka, ahalik eta plaza gehien egitea izango dute helburu, eta irabazten duen idi parearen jabeak 3.000 euroko poltsikoratuko ditu. Isidro erretegiaren idiak Olarrea eta Alegria itzainekin ariko dira plazan; Ipiñarrietarenak, berriz, Ipiñarrieta berarekin eta Telleriarekin.
Igandean bertan egingo dituzte pisaketak, 09:00etan, eta 1.140 kilotan sartu beharko dute idi pareek; hortik gorako kilo bakoitzeko kilo eta erdiko gainkarga ezarriko diete. Probalekuaren garbiketa egiten 16:30ean hasiko dira, eta orduan egingo dute zozketa ere, zeinen idi parea aterako den aurrena erabakitzeko. Proba Gipuzkoako Herri Kirol Federazioak kontrolatuko du.