Gipuzkoako Foru Aldundia kilometro eta erdian ari da lanak egiten Azkoitia eta Urretxu lotzen dituen GI-631 errepidean. Aurreratzeko bi tarte berri egokituko dituzte, noranzko bakoitzean bana, bide segurtasuna eta trafikoaren arintasuna hobetzeko helburuarekin.
Errepide itxiera dezente izango direla aurreikusten dute erakundeek, eta bide horren gaineko informazio eguneratua emateko asmoz, Azkoitia Gukak Azkoitia-Urretxu errepidea izeneko orrialdea sortu du. Hain justu, aldundiak emandako askotariko jakinarazpenak jasoko ditu hedabide honek orrialde horretan, hala nola abisuak, errepidearen itxierak zein irekierak...
Nolanahi ere, erakundeek Whatsapp eta Telegram sare sozialen kanaletan emango dute informazio guztia. Informazio hori jaso nahi dutenek GI-631 Obra kanala bilatu eta harpidetzea besterik ez dute izango.