Herrixen merkatari elkarteak kanpaina berria jarriko du martxan bihar, astelehena. Martxoaren 10era bitartean Azkoitia txartelarekin Herrixen elkartearen aterkipeko saltokietan erosketak egiten dituztenen artean 10, 20 eta 50 euroko erosketa bonuak zozkatuko dituzte.
Zozketa datafonoen bidez egingo dute; alegia, erosketa egin ostean datafonoan bertan agertuko zaio bezeroari zozketan erosketa bonurik egokitu zaion, eta halakoen kasuan, bonua zenbat eurotakoa den. Bonua egokitu zaienek Rural Kutxak Plazaberrin duen egoitzara joan beharko du papertxo horrekin dagokion erosketa bonua jasotzera.