Gabonetarako Udal Gazteria Sailak antolatutako ekintzen barruan, Mitologia jolas parkea egokituko dute bihar, astelehena, Elkarguneko Herriko Plaza aretoan. Goiz eta arratsaldez egongo da jolas parkea zabalik: 11:00etatik 13:00etara eta 16:30etik 19:30era. Sarrera doan izango da.
Jolas parkearen antolatzaileek azaldu dutenez jokoak publiko guztiei zuzenduta daude eta jolas bildumaren barruan bi gune bereiziko dituzte. Horien artean, txokoka antolatutako Montessori materiala jarriko dute, 0 eta 3 urte bitarteko umeentzat.