Azkoitiko Parrokiko taldeak igandean, hilaren 22an, inauguratuko du parrokiako aurtengo jaiotza. Gabon egunak iristear direla eta, ohiko jaiotza aurkeztuko dute jendaurrean igandean. 11:00etan, familia meza egingo dute aurrena, eta 12:00etan, umeen laguntzarekin, jaiotza aurkeztuko dute.
Astegunetan eta asteburuetan egongo da jaiotza ikusteko aukera Andre Mariaren Jasokundeko parrokian. Astelehenetik larunbatera, 10:00etatik 12:30era zein 17:00etatik 19:00etara zabalduko dute parrokia, eta igandeetan, 12:00etatik 14:00etara nahiz 17:00etatik 19:00etara.