Go!azen telesaileko aktoreek 2025eko otsailaren 15ean, larunbatez, egingo dute geldialdia Azkoitian. Go!azen 11 kontzertua eskaintzeko, Euskal Herriko hirietan eta herrietan zehar ibiliko dira telesaileko protagonistak, eta otsaileko hirugarren zapatuan Baztartxo antzokiko oholtzan izango dira. Ohiko bideari eutsiz, musika, dantza eta kantua uztartuko dituen ikuskizuna eskainiko dute herrian.
Geldialdi bakarra egingo badute ere, ikuskizuna birritan eskainiko dute; izan ere, 16:00etan emango dute aurreneko emanaldia, eta bigarrena, 18:30ean. Sarrerak 8 euroan atera dituzte salmentara, eta gehienez, sei sarrera erosi ahalko ditu erabiltzaile batek. Entradium atarian eros daitezke Internetez.