Javier Yanguas psikologoak eta gerontologoak solasaldia eskaini zuen atzo arratsaldean Azkoitian, eta "zahartzaro berria" izan zuen hark hizketagai. La Caixa fundazioko adinekoen programako zuzendari zientifikoa da Yanguas, eta hain zuzen, adineko pertsonen erronkei buruz aritu zen hura hizketan, Oteiza aretoan elkartu ziren herritarren aurrean. Azkoitia Lagunkoiak eta udalak antolatutako hitzaldia izan zen.
