Udalak elkarretaratzea deitu du datorren iganderako, azaroaren 10erako. Oroimenaren Eguna dela eta, Intsausti jauregiaren aurreko lorategian dagoen Oroimenean eskulturaren aurrean egingo du erakundeak bost minutuko kontzentrazio isila, 12:00etan hasita.
Ana Azkoitia alkatea buru dela elkartuko dira han, baina herritarrei ere egin diete ekitaldira batzeko deia. Elkarretaratzearen ondoren, udalak lore eskaintza egingo du, biktima guztiak gogoan.