Aizkibel liburutegiak zientzia eta teknologia erronkak antolatu ditu. LH3 mailatik LH6 mailara arteko ikasleei zuzendutako erronkak egingo dituzte liburutegian azaroaren 20an eta 21ean, eta gaur, asteartea, zabaldu dute izen-emate epea. Bi egunetako saioak 18:00etatik 19:30:era bitartean izango direla jakinarazi du liburutegiak.
Erronketan aritu nahi duten haurrek gaurtik hilaren 19ra bitartean eman beharko dute izena Aizkibel liburutegian. Hain justu, antolatzaileek adierazi dute erronketan aritzeko plazak mugatuak direla, eta beraz, izen-emate ordenaren arabera osatuko dutela parte hartzaileen zerrenda.