Azkoitiko Udalak, Lanbidek diruz lagunduta, administraria kontratatzeko lan eskaintza argitaratu du. Sei hilabeterako lan kontratua izango da, lanaldi erdikoa. Lan eskaintzan izena eman beharko da aurrez, eta horretarako, urriaren 21era arteko epea jarri dute.
Eskaintzan onartua izateko, baina, hautagaiek hainbat baldintza bete beharko dituzte. Hain zuzen, Administrazio eta Finantzen Goi Mailako ziklo titulua izatea eskatuko da, edo bestela, Zuzenbidean, Enpresen Adminsitrazioan edo Zuzendaritzak gradua edo lizentziatura izatea; 3. Hizkuntza Eskakizuna (C-1 maila) edo baliokidea euskaraz izatea ere eskatuko dute, baita informatikako ezagutzak izatea ere. Hautagaiak langabea izan beharko du eta Lanbiden lan eskatzaile gisa izena emanda egon beharko du.
Udal administrazioko izapideen inguruko ezagutza ere eskatuko zaio hari. Informazio osagarria Azkoitiko Udalaren lan eskaintzen atalean dago eskuragarri.