Azkoitiko Udaleko Gazteria sailak, udazkeneko Trebatzen lantegien barruan, igande goizetarako saioak antolatu ditu LH eta DBH mailetako ikasleentzat. Urriko eta azaroko zenbait igandetan egingo dituzte tailerrak. Hain justu, arteterapia, brikolaje saioa, makramea eta margo saioa antolatu dituzte oraingoan.
Bihar, urriak 14, zabalduko dute tailerretan parte hartu ahal izateko izen-emate epea, eta ostiralean, hilaren 18an, itxiko dute. Elkargunearen webgunean eman beharko da izena. Dena den, Gazteria sailak jakinarazi du tailerrek mugatutako plazak dituztela, eta, era berean, gutxieneko partaide kopurua osatu beharko dela, bestela ez baitute saiorik eskainiko.
Hona hemen tailer bakoitzaren inguruko informazioa:
- Arteterapia saioa (LH3-LH6): urriaren 20an, 10:00etatik 13:00etara.
- Brikolaje saioa (LH4-DBH2): azaroaren 3an, 09:30etik 13:30era.
- Makrame saioa (LH3-LH6): azaroaren 10ean, 11:00etatik 13:00etara.
- Margotzen trebatzeko saioa (LH1-LH3): azaroaren 17an, 10:00etatik 13:00etara.