Abarketatxo ludotekak zabaldu du ikasturte berriko izen-ematea, eta jakinarazi duenez, hilaren 23an zabalduko ditu ateak. 4 eta 12 urte bitarteko umeak (HH4-LH6) egin daitezke ludotekako bazkide, eta horiek honako egun hauetan jasoko dute zerbitzua: HH4 eta HH5eko umeak astelehenetan eta asteazkenetan elkartuko dira, 17:00etatik 19:00etara artean; LH1, LH2 eta LH3koak, astearteetan eta ostegunetan, ordutegi berean; eta LH4tik LH6ra artekoak, berriz, ostiraletan, 17:00etatik 20:00etara artean.
Ludotekan bertan eman beharko da izena. Ikasturteko kuota 70,24 eurokoa izango da, eta familia ugariek 52,68 euro ordaindu beharko dute. Zalantzarik izanez gero, 943 08 38 00 edo 665 72 01 58 telefono zenbakietara deitu edo abarketatxo@gazteriazkoitia.eus helbide elektronikora idatz daiteke.