Kodaore judo elkarteak jada ekin dio ikasturte berriari Azkoitian. 4 urtetik gorako edozein herritarrek parte har dezake eskoletan, eta elkarteak astelehenetan eta asteazkenetan eskainiko ditu saioak Elkargunean, 19:30etik 20:30era bitartean.
Azkoitian ez ezik, elkarteak Azpeitiko kiroldegian ere ematen ditu judo eskolak, astearteetan eta ostegunetan. Egun horietan, adinaren eta ordutegiaren arabera banatutako hiru saio eskainiko dituzte han: 4 eta 7 urte artekoentzako klaseak 17:30etik 18:30era izango dira, 8 eta 12 urte artekoentzakoak 18:30etik 19:30era, eta 12 urtetik gorakoen saioak 19:30etik 21:00era arte egingo dituzte.