Guardia kaleko etxebizitza batean sua piztu da goizean. Ertzainek 07:30ean jaso dute abisua, eta suhiltzaileak bertaratu dira. Suhiltzaileek pertsona bat erreskatatu dute etxebizitza horretatik; balkoitik atera behar izan dute etxean zegoen adineko pertsona. Zumarragako ospitalera eraman dute erreskatatutako herritarra, baina Ertzaintzak jakinarazi duenez, ez dago larri. Une honetan (09:51), sua itzaltzeko lanetan ari dira suhiltzaileak.
