Andremariak igaro eta gero, Anaitasunaren gizon-emakumeen taldeak entrenamenduetara itzuli dira; izan ere, denboraldiari ekiteko atzera kontaketa martxan jarrita dute honezkero bi taldeek. Aste honetan bertan lagunarteko neurketak jokatuko dituzte Loren Barbado eta Mikel Barquero entrenatzaileen taldeek: bi lehia gizonek eta bat emakumeek.
Gizonek, ostegunean, denboraldiaurreko bigarren lagunarteko neurketa jokatuko dute. Andre Maria bezperan Hernaniren aurka 1 eta 2 galdu ondoren, Ohorezko Erregional Mailako Oiartzun izango dute aurkari bihar, Txerloia belar naturaleko zelaian (19:00). Larunbat goizean, berriz, Espainiako Hirugarren Mailako Touring izango dute kontrario, Txerloian (11:00). Euskal Ligan jokatuko duten emakumeek, bestalde, Realarekin neurtuko dituzte indarrak larunbatean, San Juan belar artifizialeko zelaian (11:00). Realaren laugarren taldea izango dute aurkari Barqueroren jokalariek.
Partida horiez gain, datorren denboraldia prestatzen jarraitzeko hitzordu gehiago ere badituzte hitzartuta bi taldeek. Hona hemen gizonen nahiz emakumeen egutegiak, hurrenez hurren:
Gizonen taldea:
- Bihar, abuztuak 22, 19:00etan, Txerloian: Anaitasuna-Oiartzun.
- Abuztuak 24, 11:00etan, Txerloian: Anaitasuna-Touring.
- Abuztuak 31, 10:30ean, Beasaingo (Gipuzkoa) Loinatzen: Beasain-Anaitasuna.
- Irailak 7: 16:30ean, Zumarragako (Gipuzkoa) Argixaon: Anaitasuna, Urola eta Ilintxa taldeen arteko hirukoa.
Emakumeen taldea:
- Abuztuak 24, 11:00etan, San Juanen: Anaitasuna-Reala 'D'.
- Abuztuak 28, 18:00etan, Txerloian: Anaitasuna-Antiguoko.
- Abuztuak 31, 18:00etan, Tolosako (Gipuzkoa) Usabalen: Tolosa-Anaitasuna.