Gipuzkoako Foru Aldundiko Mugikortasuneko, Turismoko eta Lurralde Antolaketako Departamentuak Lurraldebuseko gaueko autobus zerbitzuak prestatu ditu bihar Azpeitian hasiko diren saninazioetarako. Hain zuzen, bihar —San Inazio bezpera—, etzi —San Inazio eguna— eta ostegunean —San Inazio bigarrena— izango dira gaueko autobus zerbitzuak, eta besteak beste, garraiobideak Azkoitian egingo du geldialdia.
Hiru egunetan, 00:10ean, 01:40an, 02:40an, 03:40an, 04:40an, 05:40an eta 06:40an abiatuko da Azkoitirako autobus zerbitzua, Azpeitiko anbulatorio aurreko geltokitik.