San Fermin Txiki ospatu dute gaur Azkoitiko udaleku irekietan dabiltzan umeek, eta zuri-gorriz jantzi dituzte eguerdian herriko kaleak.
Udaletxeko balkoian pregoia irakurri dute aurrena, eta plazan elkartuta zeuden haurrek zein begiraleek entzierro aurretik kantatu ohi den abestia kantatu dute ondoren, eskuetan zituzten egunkariak astinduz. Jarraian, konfeti txupinazoarekin batera korrika abiatu dira Kale Nagusian gora, eta Oteiza pilotalekuetaraino joan dira, udalekuetako umeek beraiek egindako zezenengandik ihesi.