Iraurgi saskibaloi kluba 2024-2025 denboraldia marrazten hasi da pixkanaka, eta azken egunetan zenbait iragarpen egin ditu: lehen taldeetako entrenatzaileak zein izango diren argitu du, eta hainbat kontratu berritzeen berri ere eman du.
Iñaki Merino gasteiztarra izango da gizonen taldearen entrenatzaile berria, eta hark beteko du Yon Gonzalezek aurreko denboraldiaren amaieran hutsik utzitako aulkia. Aldiz, Domusa Teknik ISB emakumeen lehen taldea zuzentzen jarraituko du beste urte batez Luis Agirre Katxi entrenatzaile azpeitiarrak.
Horiez gain, bi kontratu berritze ere ezagutarazi ditu ISBk: Maria Otaegi azpeitiarrak Domusa Teknik ISB taldean jokatzen jarrituko du datorren denboraldian, eta Mikel Olaizola azpeitiarrak ere gizonen lehen taldearekin berritu du kontratua.