Azkoitiko Gazteria Sailak antolatutako udal udalekuei ekin diete gaur, astelehena, ehunka umek Azkoitian. Hain zuzen, Praka Motxakin, Trebatzen eta Artxabentura udaleku irekiak hasi dituzte gaur, eta datozen asteetan askotariko ekintzak egingo dituzte egitasmo horien barruan. Praka Motxakin udalekuetako kideak, esaterako, liburutegiaren ondoan elkartu dira, eta senideak agurtu eta taldetan banatu ondoren, elkar ezagutzen eta jolasean hasi dira.