Klima aldaketak eta energia trantsizioak dakartzan erronkei erantzun nahian, Klima eta Energiaren Ekintza Plana diseinatzen dihardu udalak. Dagoeneko barne mailan ekintza planaren lanketa bat egina duen arren, herritarren ikuspegia jaso nahi izan du orain, planean bildu beharreko edukiak haiekin ere landuz. Hori hala, parte hartze saio irekia egin zuten atzo Elkargunean, eta 2030. urtera begirako helburuak eta horiek lortzeko egin beharreko ekintzak zehaztu zituzten saiora bertaratu zirenek. Taldeka banatuta aritu ziren plana lantzen.
(Argazkiak: Azkoitiko Udala)