Bihar, larunbata, jokatuko dituzte Azkoitiko Txerloia tenis klubak antolatzen duen Domusa Teknik tenis txapelketa irekiaren finalak, Txerloiko tenis pistetan. 10:00etan hasita, bi partida ikusteko aukera izango da han.
Batetik, urrezko mailako finala jokatuko dute, eta bestetik, brontzekoa. Urrezko kategorian, Jon Orbegozok eta Unai Alkortak jokatuko dute finala, eta brontzezko kategorian, Aritz Azkune eta Inax Garmendia arituko dira nor baino nor gehiago.