Asteburuan Azkoitiko jauregiak eta dorretxeak ezagutzeko aukera izango da, horietara bisita gidatuak egingo baitituzte larunbatean zein igandean. Azkoitia: jauregi eta dorretxeen hiribildua izenburupean bi bisita gidatu egingo dituzte, larunbatekoa euskaraz, eta igandekoa gaztelaniaz. 12:00etan hasiko dira bi bisitak, eliz atarian. Horietako bakoitzak bi orduko iraupena izango du.
Parte hartzea doakoa izango da, baina aurrez izena eman beharko da i-loiola@urolaturismo.eus helbidera idatzita, 943-15 18 78 telefonora deituta edo whatsapp bidez 688 75 94 29 zenbakira mezu bat bidalita.