Bukatu da Gipuzkoako 53. Hiru Txirlo Bola-joko txapelketa, eta Floreaga bola taldea nagusitu da nagusien zein bikoteen kategorietan. Santos Muñoz bola jokalari azkoitiarrak irabazi du nagusien txapelketa, 34 txirlorekin; bikoteka, berriz, Muñozek Gorka Etxanizekin batera osatutako bikotea izan da nagusi, 66 txirlorekin. Sailkapen orokorrean, Muñozek hirugarren postua lortu du; aldiz, Etxaniz, seigarren postuan geratu da.
Txapelketan lehen 64 postuetan geratu diren bola jokalariek Lehendakari Saria jokatuko dute bihar, larunbata, Lasturren (Gipuzkoa). Bolari Eguna ospatuko dute han.