Aitor Andreu azkoitiarrak Euskadiko Txapelketa irabazi du low kick modalitatean, 71 kilo azpikoen kategorian. Atzo, larunbata, jokatu zuen finala, Bilboko La Casillan. Guztira, hiru lehiakide ziren, eta zozketa bidez, zuzenean finalera sailkatu zen Andreu. Beste biek elkarren aurka neurtu behar izan zituzten lehenik indarrak, eta garailea sailkatu zen finalera; hark Andreu izan zuen aurkari. Final handian, bigarren erasoan, K.O. utzi zuen aurkaria azkoitiarrak, eta beraz, Andreurentzat izan zen txapela.
Azkoitiarrak laugarren aldiz lortu du Euskadiko txapeldunaren domina; bi aldiz muay thai modalitatean, bat K1ean eta beste bat kick boxingean.
(Utzitakoa)