Otsaileko lehen asteburuaren bueltan hiru film eskainiko dituzte Baztartxo antzokian: El arca de Noe, Cualquiera menos tú eta The zone of interest. Larunbatean ez da zine emanaldirik izango, Jon Plazaolak Tu-tum, Platz! bakarrizketa saioa eskainiko duelako larunbat iluntzean. Horrenbestez, igandean, astelehenean eta asteartean emango dituzte filmak.
Igandean, 17:00etan, haurrei zuzendutako El arca de Noe filma emango dute, eta Cualquiera menos tú igandean eta astelehenean —ikuslearen eguna— ikusi ahal izango da, 19:30ean eta 20:00etan, hurrenez hurren. Azkenik, The zone of interest filmaren zineforum saioa izango da asteartean, 20:00etan.