Kids&Us ingeles akademiak The messy playroom antzezlana eskainiko du datorren larunbatean, Elkarguneko Oteiza aretoan. 12:00etan hasiko da 1 eta 3 urte arteko umeei eta beren familiei zuzendutako emanaldia, eta doakoa izango da.
Bi sagu dira antzezlaneko protagonistak: Moysy eta Linda. Bertan, pertsonaiek oparirik onenak norberak denboraz eta ahaleginez egiten dituenak direla ikasiko dute. Antolatzaileen arabera, ingelesezko abestien eta antzerkiaren bidez haurrak eta gurasoak "une dibertigarrietan" murgilduko dira.