Gabon giroan murgilduko dira beste urte batez datorren igandean Baztartxon, Floreaga ikastetxearen eta hango guraso elkartearen eskutik, Gabon Kantak jaialdia prestatu baitute 32. aldiz. Ohi bezala, 12:00etan hasiko da emanaldia, eta ikastetxeko nahiz Gipuzkoako hainbat abesbatza gazte igoko dira abestera antzokiko oholtzara.
Floreagako ikasleen taldea, AB Korua, Bergarako musika eskolako abesbatza, Mutrikuko korala, Madalen Txiki abesbatza eta Bizkargi abesbatza igoko dira oholtzara Gabon kantak abestera.
