Herriko festak iristeko zain egon gabe, Plaza Ondo jubilatuen elkarteko kideek joan den ostegunean ekin zieten ospakizunei. Lizarrara (Nafarroa) irteera egin zuten 111 lagunek, eta egun-pasa bikaina eginda bueltatu zirela adierazi dute elkarteko arduradunek. Goizean Lizarran ibili ostean, Iratxen egin zuten bazkaria, eta 20:00ak bueltan iritsi ziren atzera herrira.
