Baztartxo antzokiaren kudeatzaileek jakinarazi dute hasi berri den hilean hango aretoan ikusi ahal izango diren filmen zerrenda. Guztira, hamar film eta dokumental emango dituzte datozen asteetan: helduentzat eta haurrentzako launa film komertzial eta bi zineforum saio.
Datorren asteburuan Fermin Muguruzak zuzendutako Bidasoa dokumentala eta haurrentzako Rally road racers filma eskainiko dituzte. Horiez gain, helduentzako O corno, Los asesinos de la luna eta Un amor filmak emango dituzte hurrengo asteetan Baztartxon. Haurrek, berriz, El reino de terracota, euskarazko Nobitaren dinosauro berria eta Trolls 3 filma ikusteko parada izango dute. Zineforum saioen programazioa, berriz, Orlando, mi biografía política eta All the beauty and the bloodshed filmek osatuko dute.
Hona hemen azaroko filmen egutegia:
- Azaroak 5: Rally road racers haurrentzako filma.
- Azaroak 5 eta 6: Bidasoa helduentzako dokumentala.
- Azaroak 12 eta 13: O corno helduentzako filma.
- Azaroak 12: El reino de terracota haurrentzako filma.
- Azaroak 14: Orlando, mi biografía política filmaren zineforum saioa.
- Azaroak 18, 19 eta 20: Los asesinos de la luna helduentzako filma.
- Azaroak 19: Nobitaren dinosauro berria umeentzako filma.
- Azaroak 25, 26 eta 27: Un amor helduentzako filma.
- Azaroak 26: Trolls 3 haurrentzako filma.
- Azaroak 28: All the beauty and the bloodshed filmaren zineforum saioa.