Azkoitiko Udalak Behobia-Donostia lasterketara joateko doako autobus zerbitzua jarriko du eta interesa dutenek bihartik aurrera eman ahal izango dute izena Elkargunean. Azaroaren 12an, igandez, korrituko dute aurten Behobia-Donostia.
Azkoitiko Udalak jakitera eman duenez, autobusa joateko bakarrik izango da eta bakoitzak bere kabuz egin beharko du itzulera. Hori horrela, 55 lagunentzako lekua egongo da autobusean eta lasterketa egunean 07:30ean aterako da Udal Liburutegitik.