Ezkurrak eta beste hainbat hazi bilduz ibilaldia egingo dute igande honetan, hilaren 29an, Urola Bizirik natur taldeak antolatutako jardueran. Hori horrela, 09:30ean elkartuko dira parte hartzaileak Loiolako tren geltoki zaharrean eta bertatik abiatuta egingo dute bidea.
Jardueran parte hartu nahi duten herritarrek info@lurgaia.org helbidera idatzi behar dute izena emateko. Urola Bizirik natur taldeak goiz ezberdina igarotzeko interesa duten guztiak animatu ditu bilketara.