Organo Erromantikoaren Nazioarteko XXIV. Zikloaren barruan, Olivier Latry Parisko Notre Dame katedraleko organo jotzaileak kontzertua eskaini zuen atzo Azkoitiko parrokiko Cavaille-Coll organoan. XIX. eta XX. mendeko obrak interpretatu zituen organo jotzaile frantsesak atzo, hala nola Alexandre Guilmant, Camille Saint-Saens, Cesar Frank, Louis Vierne edo Charles-Marie Widorren lanak.
Organo Erromantikoaren Nazioarteko Zikloaren antolatzaileek Azkoitian Latry organoa jotzen entzuteko aukera izatea "ohore bat" dela esan zuten atzo kontzertua hasi aurretik, "organoaren munduko enbaxadore ospetsuenetako bat delako Latry".
Organo erromantikoari lotutako zikloko hurrengo Azkoitiko parrokiko kontzertua urriaren 21ean izango da, 20:00etan. Jose Luis Franzesena Azkoitiko Ama Birjinaren Jasokundearen parrokiko organo jotzaileak eta Mariatxen Urkia sopranoak eskainiko dute kontzertua.
