Azkoitia Urretxurekin eta Zumarragarekin lotzen duen GI-631 errepidea erabat itxita egon da gaur goizean, istripu larri bat tarteko. Ertzaintzak jakinarazi duenez, kamioi bat errepidetik irten eta ibaira erori da Urretxuko partean, Zumarragako noranzkoan.
11:50 aldera gertatu da ezbeharra, eta 14:00ak arte moztuta egon da zirkulazioa. Ordea, errei bat zabalik dago orduz geroztik, eta Ertzaintza txandaka ari da zirkulazioa bideratzen. Haren arabera, kamioiak ibaian jarraitzen du oraindik (16:15), eta garabiak ibilgailua handik atera arte ez dute guztiz irekiko errepidea.