Azkoitiko Irakurle Taldeak bihar, irailak 19, ekingo dio ikasturte berriko saioei. Jokin Zaitegi bekari esker Oskar Arana aramaiotarrak euskaratutako J.M. Coetzee hegoafrikarraren Lotsaizuna (Elkar) nobelaz hitz egingo dute saioan. 19:00etan hasiko da hitzordua Elkarguneko Oteiza aretoan, eta ohi bezala, Iñigo Aranbarri idazle azkoitiarra arduratuko da dinamizatzaile lanak egiteaz.
Azkoitiko Irakurle Taldean parte hartzeko edota egitasmoaren inguruko informazio gehiago jasotzeko, azkoitikoirakurletaldea@gmail.com helbidera idatz dezakete herritarrek.