Altzibar auzoan dagoen Lidl supermerkatuan sua piztu da gaur, ostirala, eguerdian. Hain zuzen, sabaian dagoen eguzki plaka batek su hartu du, Udaltzaingoak jakinarazi duenez. Horiek 14:00etan jaso dute abisua, eta suhiltzaileak zein udaltzainak joan dira gertaeraren lekura. Iturri horren arabera, dagoeneko (14:45) itzali dute sua, eta ez da inor zauritu.
Supermerkatu barruan zeuden langileak zein bezeroak kanporatu egin dituzte, eta oraingoz, itxita dago saltokia. Udaltzainak, berriz, zirkulazioa bideratzen ari dira.