Gaur, asteartea, zabaldu dute 90 urte betetzen dituzten herritarren omenaldi-bazkarirako izen-ematea. Abuztuaren 17an, andremarietako Baserritarren Egunean, egingo dute ohi bezala otordua.
Bazkarirako izena eman daiteke 10:30etik 12:00etara Plaza Ondo elkartearen Kultur Etxeko egoitzan bertan edo 943-85 21 68 telefonora deituta. Abuztuaren 4an itxiko dute izena emateko epea. Gainera, aurrenekoz, Elkarguneko Herriko Plaza aretoan egingo dute aurten omenaldi-bazkaria.