Etzi, igandea, Azkoitiko musika bandak kontzertua eskainiko du San Jose egoitzan. Herriko musikariak egoiliarren aurrean arituko dira 11:30etik aurrera, eta besteak beste, askotariko abesti dantzagarriak joko dituzte, hala nola balsak, pasodobleak, tangoak eta boleroak.
Kontzertua baino lehen, ordea, kalejira egingo du musika bandak herriko kaleetan zehar; 10:45ean hasita, Urrategiko Amaren eguna ospatzeko kalerik kale joko ditu abestiak musika bandak, horien artean Urrategiko martxa abestia.