Etzi, igandea, inguruko hainbat sortzailek zein saltzailek bat eginda, Top Market azoka egingo dute herriko plazan, Dean tabernaren atarian. 11:00etatik 15:00etara bitartean egongo da zabalik, eta herritarrek askotariko produktuak aurkituko dituzte han salgai.
Guztira, hamahiru saltzailek jarriko dituzte postuak plazako tabernaren atarian: Aizterri Home, Alots Arregi, Axun Ringana, Bizilore Eskola Aktiboa, Endredamakina, Fret & Pablo, Igor Aranberri, Ione Iruretagoiena, Kiribil Zeramika, Lurlur, Leire Arenas, Norte.Jewellery eta Oninpintage. Azoka girotzen, gainera, Elba eta Pirate Roberts 2.0 disko jartzaileak arituko dira.