2022-2023 ikasturte amaierako jaialdia egin zuen atzo arratsaldean Bizkargi musika eta dantza eskolak. Adin eta maila guztietako ikasleak igo ziren Baztartxoko oholtzara, irakasleek lagunduta, eta azken hilabeteetan ikasitakoak erakutsi zizkieten antzokia bete zuten ikus-entzuleei.
Bero egiten zuen antzokian, eta bero hartu zituzten Baztartxon elkartutakoek ikasleen emanaldiak, saioak txaloekin lagunduz eta bakoitzaren bukaeran txalo gehiagorekin eskertuz. Horrela, festa giroan egin zuten jaialdia.
Guztira, 11 emanaldirekin osatu zuten jaialdia Bizkargikoek, askotariko doinuak, instrumentuak, ahotsak eta dantzak uztartuta.