Xabier Munibe Ikastolak 50. urteurrena ospatzeko maiatzaren 20an Gurea pilotalekuan egin zuen jaialdiaren bideoa aurkeztuko du etzi, igandea, Baztartxo antzokian. 17:00etan hasiko da saioa, eta herritar orok izango du ikus-entzunezkoaren emanaldia bertatik bertara jarraitzeko aukera.
Argi, musika eta dantza festa handia eskaini zuen ikastolak egun hartan. Ikastolaren sorreraz eta haren historiaz aritu ziren hastapenetan; ikastolako zanpantzarrek, trikitilariek, txistulariek eta dantzariek parte hartu zuten gero ekitaldian, eta abestiak, koreografiak, danbor hotsak eta bestelako hamaika pasarte ikusgarri eskaini zituzten urteurrena borobiltzeko. Etzi, emanaldi hark eman zuena erakutsiko dute Baztartxoko pantaila erraldoian.