Gomazko palistak bihar, asteazkena, jokatuko dute Gipuzkoako Herriarteko Txapelketaren final laurdenetako itzulerakoa, Donostiako Loiola auzoan (20:00). Hasiera batean, joan den ostiralean ziren partida jokatzekoa, baina Donostiako palista baten arrazoi pertsonalak tarteko, lehia aste honetara atzeratu zuten.
Oraindik erabakitzeke dago kanporaketa. Gomazko palistek 1 eta 2 galdu zuten joanekoa Gurea pilotalekuan. Buruz buruko partidan 20-12 irabazi zuen Iker Epeldek, binaka 14-20 galdu zuten Oier Beitiak eta Oier Epeldek, eta zazpi koadroren barruan 5-20 galdu zuen Markos Azpirozek. Emaitza orokorraz gain, tantoen aldea ere aurka dute gaur-gaurkoz herriko palistek: 39 tanto dituzte alde azkoitiarrek eta 52 donostiarrek.