Natur guneak industrializatuz martxan diren edo egin nahi dituzten hainbat proiektu salatzeko asmoz, datorren larunbatean manifestazio nazionala egingo dute Gasteizen Lurraren defentsan Euskal Herria bizirik! lelopean, eta hara joan-etorria egiteko autobusa antolatu du Oletan ere Ez! taldeak. 16:15ean irtengo du autobusak Eroski txikiaren alboko geralekutik, eta 21:00etan itzuliko dira herrira Arabako hiriburutik.
Manifestaziora autobusez joan nahi duenak ostegunera bitartean eman dezake izena Atraskua eta Etxe-Aitz tabernetan.